Jose Mourinho er ekki kampakátur þessa daganna, eiginlega bara mjög ósáttur. Hann varð ekkert kátari við það þegar miðverðirnir Chris Smalling og Phil Jones meiddust í landsleikjatörninni.
Mourinho hefur verið duglegur að kvarta yfir leikjaálagi upp á síðkastið og því er hægt að gera ráð fyrir því að landsleikir á miðju tímabili heilli hann ekkert sérstaklega.
Mourinho hefur verið duglegur að kvarta yfir leikjaálagi upp á síðkastið og því er hægt að gera ráð fyrir því að landsleikir á miðju tímabili heilli hann ekkert sérstaklega.
„Ég er algjörlega á móti vináttulandsleikjum á þessum tímapunkti," sagði Mourinho við Sky Sports. „Að mínu mati þá eru vináttulandsleikir aðeins skynsamlegir rétt áður en lokamótin hefjast."
Man Utd mætir West Brom á laugardaginn og Mourinho býst við mjög erfiðum leik þar.
„Ef þú berð ástand okkar saman við þeirra, þá voru þeir bara með einn leikmann að spila í landsliði. Þeir hafa haft tíma til að vinna, tíma til að hvíla sig og undirbúa. Þetta verður erfitt," sagði Mourinho að lokum.
Athugasemdir