Arnþór Ingi Kristinsson, leikmaður Víkings R., átti mjög flottan leik í fyrsta sigri liðsins í sumar. Liðið hafði þá betur gegn ÍBV út í Eyjum, 3-0 og skoraði Arnþór Ingi eitt markannna.
Hann hefur ef svo má segja skotist fram á sjónarsviðið á þessu og síðasta tímabili, en hann er uppalinn á Skaganum. Hann hætti í fótbolta þegar hann var tvítugur, en byrjaði stuttu síðar að spila með Hamri.
Hann hefur ef svo má segja skotist fram á sjónarsviðið á þessu og síðasta tímabili, en hann er uppalinn á Skaganum. Hann hætti í fótbolta þegar hann var tvítugur, en byrjaði stuttu síðar að spila með Hamri.
„Ég er alinn upp á Skaganum og ég á nokkra leiki með ÍA í 1. deildinni. Þegar ég er tvítugur þá hætti ég í fótbolta í smástund, en ég náði ekki að hætta mikið lengur en í fimm, sex mánuði. Ég byrjaði þá aðeins að sprikla með Hamri og það byrjaði bara að ganga ágætlega. Út frá því fæ ég svo skólastyrk í Bandaríkjunum og svo eitt sumarið hitti ég Óla Þórðar og hann var eitthvað að drulla yfir mig fyrir að hafa hætt í fótbolta og sagði að ég hefði getað náð langt. Þá sagði ég bara við hann, fyrst ég er svona góður, fáðu mig þá bara Víkíng og næst þegar glugginn opnaði þá skeði það," sagði Arnþór samtali við útvarpsþáttinn Fótbolti.net á X-inu.
Næsti leikur Víkinga er gegn uppeldisfélagi Arnþórs, ÍA og morgun. Hann segist spenntur fyrir leiknum.
„Það er alltaf gaman að fá að keppa við Skagamenn og þeir eru með hörkulið. Svo skemmir ekki fyrir að maður þekkir nánast alla í liðinu, annað hvort eru þetta frændur manns eða bestu vinir."
Víkingar hafa ekki farið sérstaklega vel af stað í deildinni, en Arnþór Ingi er þó bjartsýnn á framhaldið.
„Við ætlum að rífa okkur í gang, raða inn stigum og rífa okkur upp töfluna. Það eru bara allir sammála um það í klefanum og það verður bara að byrja í Eyjum og halda áfram á morgun."
Viðtalið í heild sinni má hlusta í spilaranum hér að ofan.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir