„2-1 eru fín úrslit á móti rándýru og metnaðarfullu liði Vals sem ætlaði sér alla leið í sumar eins og fleiri lið. Sigurinn var sætur," sagði Bjarni Guðjónsson, þjálfari KR, eftir 2-1 sigur á Val í kvöld.
Lestu um leikinn: KR 2 - 1 Valur
„Það sem hefur vantað hjá okkur er að ná fyrsta markinu því þá gjörbreytast leikirnir. Liðin þurfa þá að koma aðeins meira úr skelinni og sækja á móti okkur."
KR-ingar fögnuðu sigrinum í kvöld vel eins og sjá mátti á myndbandi á Twitter síðu félagsins.
„Auðvitað er gaman að vinna og við viljum vinna þessa leiki sem við erum að spila. Fagnaðarlætin koma af því að menn gáfu allt og skildu allt eftir hér í kvöld. Þá verður sigurinn alltaf aðeins sætari. Það skemmir ekki fyrir að þetta var Valur,"
Eftir sex stig í fyrstu fimm umferðunum í Pepsi-deildinni, áður en kom að leiknum í kvöld, og tap gegn Selfyssingum í Borgunarbikarnum þá hefur Bjarni legið undir gagnrýni.
„Þetta er hluti af starfinu. Það er bara svoleiðis. Hér er krafan meiri en 6 stig af 15 leikjum. Ég les lítið af þessum skrifum sem þú ert að vitna í. Það þýðir lítið fyrir mig að velta mér upp úr svoleiðis hlutum. Ég þarf að vinna vinnuna mína og gera það samviskulega með því að undirbúa liðið eins vel og við getum," sagði Bjarni.
Hér að ofan má sjá viðtalið í heild sinni.
Athugasemdir