Franska miðjumanninum Lassana Diarra hefur verið skipað að borga fyrrum félagi sínu, Lokomotiv Moskvu, 10 milljónir evra.
Diarra var ekki lengi í myndinni hjá Lokomotiv og ákvað því að taka málin í sínar hendur. Hann hætti að mæta á æfingar og var eftir það rekinn frá félaginu.
„Ég mun taka þessari stöðu eins og ég hef alltaf gert," sagði Diarra.
Diarra fékk 15 mánaða bann eftir að hafa yfirgefið Lokomotiv, en hann leikur nú með Marseille í heimalandinu og er á leið með Frökkum á EM.
Diarra greindi sjálfur frá sektinni á Twitter í gær og þakkaði þá fyrir stuðninginn í gegnum erfiða tíma.
— Lass Diarra (@Lass_Officiel) May 28, 2016
Athugasemdir