Heimild: BBC
Van Gaal er ákveðinn í að landa Ramos.
Manchester United hefur gert 28,6 milljón punda tilboð í varnarmanninn Sergio Ramos hjá Real Madrid. BBC greindi frá þessu nú í kvöld.
Ramos hefur verið sterklega orðaður við United undanfarna daga og fór hann fram á sölu frá Real Madrid fyrr í dag.
Þessi spænski landsliðsmaður kom til Real frá Sevilla fyrir áratug síðan. Hefur hann síðan þá meðal annars orðið Evrópumeistari með félaginu og í heildina leikiið 445 leiki.
Þá á hann að baki 128 leiki með spænska landsliðinu og var lykilmaður í liðinu sem varð Evrópumeistari í tvígang, auk þess sem hann varð heimsmeistari með Spánverjum árið 2010.
Endar Ramos á Old Trafford?
Athugasemdir
