Þorsteinn fagnar sigurmarki sínu gegn Leikni í gærkvöldi.
Þorsteinn Már Ragnarsson, framherji KR, er líklega á leið í Breiðablik samkvæmt heimildum Fótbolta.net.
Þorsteinn Már er á förum frá KR í júlí en hann er með klásúlu um að mega fara þar sem hann hefur ekki uppfyllt ákveðinn fjölda af spiluðum mínútum.
Þorsteinn Már er á förum frá KR í júlí en hann er með klásúlu um að mega fara þar sem hann hefur ekki uppfyllt ákveðinn fjölda af spiluðum mínútum.
Arnar Grétarsson, þjálfari Breiðabliks, staðfesti við Fótbolta.net í dag að félagið hefði áhuga á að fá Þorstein í sínar raðir en hann vildi ekki staðfesta að samkomulag væri í höfn.
„Við stefnum á að styrkja hópinn í glugganum og það er ekkert leyndarmál að við viljum fá Þorstein en það er ekkert frágengið," sagði Arnar.
Breiðablik ætlar að styrkja leikmannahóp sinn í júlí og þá sérstaklega sóknarleikinn.
Þorsteinn Már skoraði sigurmark KR gegn Leikni í Pepsi-deildinni í gærkvöldi eftir að hafa komið inn á sem varamaður í síðari hálfleik.
Í sumar hefur Þorsteinn skorað þrjú mörk í tíu leikjum í Pepsi-deildinni þrátt fyrir að hafa verið talsvert á bekknum.
Hinn 25 ára gamli Þorsteinn kom til KR frá Víkingi Ólafsvík árið 2010 en í fyrra lék hann síðari hluta sumars á láni hjá sínu gamla félagi.
Athugasemdir
