Samkvæmt sömu heimildum á hinn 22 ára gamli Batshuayi að hafa fengið leyfi til að yfirgefa æfingasvæði belgíska landsliðsins til að undirgangast læknisskoðun Chelsea í Bordeaux.

Batshuayi skoraði 17 mörk fyrir Marseille í frönsku úrvalsdeildinni á síðustu leiktíð en hann hefur undanfarið verið orðaður við Crystal Palace, West Ham og Tottenham.

Chelsea þarf að punga út rúmum 30 milljónum punda fyrir Batshuayi sem er á leiðinni að verða fyrstu kaup Antonio Conte hjá Lundúnarliðinu.