Elín Metta Jensen skoraði þrennu í 6-1 sigri Vals á Þór/KA í 6. umferð Pepsi-deildar kvenna. Þetta voru hennar fyrstu mörk í Pepsi-deildinni í ár.
Sigurinn var öruggur og kom líklega mörgum á óvart enda voru liðin jöfn á stigum fyrir leikinn..
Sigurinn var öruggur og kom líklega mörgum á óvart enda voru liðin jöfn á stigum fyrir leikinn..
Lestu um leikinn: Valur 6 - 1 Þór/KA
„Maður bjóst ekkert endilega við því að vinna 6-1. En þetta gekk mjög vel. Við vorum þolinmóðar og héldum boltanum vel innan liðsins. Það voru ekki mörg moment sem við vorum að missa einbeitinguna," sagði Elín Metta.
„Við ætluðum að pressa á þær og sækja stíft og halda boltanum vel innan liðsins, við töluðum um það frá síðasta leik. Við vildum halda boltanum betur og mér fannst það takast."
Elín vildi ekki meina það að það hafi verið erfitt að koma inn í leikinn eftir slæmt tap gegn Stjörnunni í síðustu umferð og að hafa dottið úr bikarnum í leiknum þar á undan.
„Mér fannst það ekki. Ég upplifi alltaf góða stemningu innan liðsins og við vorum duglegar að vera jákvæðar og það skiptir máli þegar sterkir einstaklingar innan hópsins eru duglegar að peppa aðra og það smitar út frá sér."
Þrátt fyrir að hafa skorað þrjú mörk í leiknum hefði Elín hæglega getað skorað fleiri mörk og klikkaði til að mynda einu dauðafæri, þegar hún var komin ein gegn markinu.
„Ég var að veðja á leikinn," sagði Elín Metta kímin og hélt áfram:
„Neinei, ég veit það ekki. Maður vildi passa sig á því að skora ekki of mikið," sagði Elín Metta að lokum.
Viðtalið í heild sinni má sjá í sjónvarpinu hér að ofan.
Athugasemdir