Ísland mætir Frakklandi í 8-liða úrslitum EM á sunnudag. Gestgjafar Frakka hafa ekki náð að skora snemma í leikjum sínum á EM en öll fimm mörk þeirra á mótinu hafa komið í seinni hálfleik.
Þrjú af fimm mörkum Frakka hafa einnig komið á lokamínútunum í leikjunum. Heimir Hallgrímsson, landsliðsþjálfari, tjáði sig um Frakkana á fréttamannafundi í dag.
Þrjú af fimm mörkum Frakka hafa einnig komið á lokamínútunum í leikjunum. Heimir Hallgrímsson, landsliðsþjálfari, tjáði sig um Frakkana á fréttamannafundi í dag.
„Liðið þeirra er fullt af tæknilega góðum einstaklingum sem geta ráðið úrslitum í leikjum. Varamenn þeirra hafa komið inn á og klárað leiki," sagði Heimir á fréttamannafundi í dag.
„Þeir hafa náð að þreyta leikmenn og klára leiki í lokin. Þá hafa þeir gæðin til að klára leikina. Allir spila gegn Frökkum með það að markmiði að vilja ekki fá á sig mark en þeir ná samt að skora. Þeir eru að skora í lok leikja og ég myndi telja það jákvætt fyrir þá."
„Þeir eru mikið með boltann, þreyta andstæðinginn og í lokin skora þeir mikið af mörkum. Það er eitthvað sem við verðum að hafa í huga. Við þurfum að halda einbeitingu allan leikinn. Ekki bara í 90 mínútur heldur í 94, 95 eða 96 mínútur," sagði Heimir.
Athugasemdir