„Fyrri hálfleikurinn var mjög jafn og svo kom eitt mark úr aukaspyrnu og hvað getur maður sagt?" sagði Ian Jeffs eftir stórt tap á heimavelli gegn Breiðablik.
Lestu um leikinn: ÍBV 0 - 4 Breiðablik
„Við vorum að spila mjög vel og ég sagði við stelpurnar í hálfleik að halda bara áfram, við vorum að koma okkur í góð færi en það vantaði svolítinn kraft í kringum vítateiginn," sagði Ian.
ÍBV fékk tvö mörk á sig með stuttu millibili í seinni hálfleik.
„Seinna markið drap okkur og þá þurfti ég að reyna að breyta einhverju en það tókst ekki. Við reyndum að komast aftur inn í leikinn og þá opnast vörnin og við fáum á okkur tvö mörk í lokin,"
Ian segir að helstu möguleikar liðsins á titli liggi nú í bikarnum en ÍBV á leik við Selfoss næst.
„Bikarinn er okkar besta tækifæri til að vinna eitthvað, við þurfum að gleyma þessum leik og einbeita okkur að þeim næsta," sagði Ian að lokum.
Viðtalið í heild sinni má sjá í spilaranum að ofan.
Athugasemdir
