Kári fagnar á EM.
Allan Kuhn, þjálfari Malmö, gæti séð Kára Árnason fá tilboð frá Englandi eftir frábæra frammistöðu með íslenska landsliðinu á EM.
Kári fór frá enska félaginu Rotherham til Malmö í fyrra. Frammistaða hans í síðasta leik gegn Englandi og á EM í heild gæti vakið áhuga hjá mörgum félögum.
Kári fór frá enska félaginu Rotherham til Malmö í fyrra. Frammistaða hans í síðasta leik gegn Englandi og á EM í heild gæti vakið áhuga hjá mörgum félögum.
„Það er góður möguleiki á að hann fái tilboð frá Englandi. Það verður að viðurkennast. Ég get ekki haft áhyggjur í mínu starfi. Ég hugsa þetta ekki þannig. Ég gleðst yfir frammistöðu Kára," sagði Kuhn.
Viðar Örn Kjartansson, liðsfélagi Kára hjá Malmö, gæti séð Kára fara aftur til Englands.
„Við höfum talað um þetta hér í búningsklefanum. Af hverju ekki? Hann er 33 ára en maður veit aldrei. Frammistaða hans á EM verðskuldar skipti í ensku úrvalsdeildina," sagði Viðar.
Malmö á leik við Örebro mánudaginn 11. júlí en afar ólíklegt er að Kári spili þar. Kuhn reiknar með að gefa varnarmanninum öfluga frí eftir EM, hvenær svo sem íslenska liðið detti úr leik.
Athugasemdir
