Eftir að Hörður Magnússon sagði í sumarmessunni á Stöð2Sport á dögunum að KSÍ ætti að bjóða Gunnleifi Gunnleifssyni, markverði Breiðabliks, á leikinn gegn Frakklandi á sunnudag ákvað Vífilfell að bjóða markverðinum á leikinn. Gunnleifur þurfti að afþakka boðið.
Gunnleifur hefur verið fastamaður í landsliðshóp Íslands undanfarin ár en hann hlaut ekki náð fyrir augum Lars og Heimis þegar 23 manna hópurinn fyrir EM var tilkynntur.
Gunnleifur greindi frá því á Twitter í dag að Vífilfell hafi boðið honum og konunni hans út á leikinn. Hann segir ennfremur að hann hafi þurft að afþakka þar sem Breiðablik mætir ÍBV í Pepsideildinni sama dag.
Langar að þakka Coke/Vífilfell fyrir að hafa samband við mig og bjóða okkur hjónum á leikinn í Paris. Leikur við ÍBV á sun.kemst því ekki🇮🇸
— G Gunnleifsson (@GulliGull1) June 29, 2016
Athugasemdir