Stjarnan sigraði með fjórum mörkum gegn engu en Harpa gerði þrennu fyrir Stjörnuna og er þar með komin með 20 mörk í deildinni.

,,Mér fannst við eftir að við komumst yfir þá fannst mér þetta ekki spurning. Við byrjuðum samt hrikalega illa í dag og heppnar að vera ekki undir fyrsta korterið," sagði Harpa við Fótbolta.net.

,,Við erum búnar að eiga tvo stóra leiki á síðustu sex dögum og kannski situr í okkur spennufall en við vissum að þetta væri möguleiki. Við erum ekki ánægðir með að hafa látið þetta gerast en ánægðar að hafa sloppið frá þessu."

,,Við ætlum ekkert að láta þetta taka enda strax, við viljum alltaf fá sigur og erum alltaf ánægðar þegar það gerist. Ég held áfram að skora og fæ góða hjálp við það."

,,Ég hefði átt að skora fleiri því að liðið var að spila gríðarlega vel og við vorum að fá virkilega góðar sendingar í gegn."

Harpa er komin með 20 mörk eins og áður segir en hún þarf líklega að láta skoða það eitthvað nánar.

,,Ég er ánægð með þetta nef, þetta er gott nef," sagði hún ennfremur.

Hægt er að sjá viðtalið í heild sinni hér fyrir ofan.