De Vrij, sem er 22 ára gamall, var einn besti varnarmaður HM sem fór fram í Brasilíu í sumar en hann lék alla leiki hollenska liðsins.

Lazio og Feyenoord komust að samkomulagi um kappann á dögunum en ítalska félagið greiðir 9 milljónir evra fyrir þjónustu hans.

Hann fór í læknisskoðun í dag áður en hann ritaði undir samning en þetta mun styrkja lið Lazio gríðarlega.

De Vrij var sterklega orðaður við Manchester United en nú er ljóst að hann fer ekki þangað.