fös 29. júlí 2016 12:15
Elvar Geir Magnússon
Guardiola: Allir vita að við erum að reyna að fá Stones
Stones í leik með Everton.
Stones í leik með Everton.
Mynd: Getty Images
Pep Guardiola, stjóri Manchester City, segir það algjöran óþarfa að reyna að fara í einhvern feluleik varðandi John Stones. Allir viti að félagið vilji fá þennan 22 ára varnarmann Everton.

Stones var nálægt því að fara til Chelsea í fyrra en talið er að Everton vilji fá 50 milljónir punda fyrir leikmanninn.

„Allir vita að við erum að reyna að fá hann," segir Guardiola.

Stones var í enska landsliðshópnum sem tók þátt í EM 2016 en kom ekki við sögu.

Guardiola telur að Stones sé sú týpa af miðverði sem smellpassi í sína hugmyndafræði.

„Við þurfum varnarmann sem er góður að byggja upp spil með einföldum sendingum á miðjuna sem getur svo komið boltanum á sóknarmennina. Leikmenn á þessu svæði þurfa að hafa gæði," sagði Guardiola á miðvikudag.

Guardiola notaði miðjumennina Javier Mascherano og Javi Martinez sem miðverði hjá Barcelona og Bayern München. Hann hefur sagt að Fernandinho, miðjumaður City, geti vel leyst stöðu miðvarðar.
Athugasemdir
banner
banner
banner
banner