KA og Haukar gerðu markalaust jafntefli er liðin mættust á Akureyri í kvöld en leiknum var að ljúka nú rétt í þessu.

Heimamenn fengu gríðarlega margar tilraunir til þess að skora en tókst ekki. Með sigri hefði liðið getað haldið vonininni lifandi um sæti í Pepsi-deild en liðið er fimm stigum frá öðru sæti deildarinnar núna.

KA hefur verið um miðja deild sem og Haukar en eftir leikinn er KA í sjötta sæti með 27 stig á meðan Haukar eru með 25 stig í áttunda sætinu.