ísland hefur leik í undankeppni EM gegn Tyrklandi þann 9. september. Með því að smella hérna geturðu skoðað leikmannahópinn sem tilkynntur var í dag.
Fótbolti.net ræddi við Heimi Hallgrímsson landsliðsþjálfara áðan en hann býst við bardagaleik.
„Þó að þetta sé fyrsti leikur í móti þá skiptir hann gríðarlega miklu máli þegar horft er á heildina. Það eru mörg lið sem ætla sér áfram. Þú nærð ekkert langt nema að setja stefnuna hátt. Leikmenn eru tilbúnir að taka við þeim kröfum sem á þá eru settar," sagði Heimir.
Heimir vildi ekki útiloka á fréttamannafundinum í dag að einhverjar breytingar yrðu á leikkerfi Íslands í þessari undankeppni.
„Við höfum ansi marga daga til að undirbúa okkur og þá gefst tími til að jafnvel prófa eitthvað nýtt. Kallinn er samt fastheldinn og ég veit ekki hvað við gerum."
Viðtalið má sjá í heild sinni í sjónvarpinu hér að ofan.
Athugasemdir