Adnan Januzaj er meiddur og ferðast ekki með Man Utd til Wales þar sem liðið mætir Gylfa Sigurðssyni og félögum í Swansea á morgun.
Januzaj var tekinn af velli í hálfleik gegn Club Brugge í vikunni þegar Man Utd vann 4-0 sigur.
Louis van Gaal, stjóri Man Utd, staðfesti á blaðamannafundi í gær að skiptingin hafi verið vegna meiðsla og mun hann ekki spila á morgun.
Belginn ungi hefur byrjað síðustu fjóra leiki Man Utd en hann var aðeins sjö sinnum í byrjunarliðinu á síðustu leiktíð.
Ásamt Januzaj er Phil Jones á meiðslalistanum og þá er Marcos Rojo enn að koma sér í leikform en hann lék 60 mínútur með varaliði félagsins á fimmtudag.
Hér að neðan má sjá líkleg byrjunarlið að mati Guardian í leiknum á morgun.
Athugasemdir