Lárus Guðmundsson, þjálfari KFG var ánægður með 1-0 sigur sinna manna gegn Augnablik á heimavelli í fyrri umferð liðanna í 8-liða úrslitum 4. deildar karla.
KFG komst yfir í leiknum eftir mínútu leik og héldu því þannig til loka.
KFG komst yfir í leiknum eftir mínútu leik og héldu því þannig til loka.
„Við skoruðum snemma og það var það sem við stefndum að. Síðan fengum við ótal tækifæri til að bæta við í seinni hálfleik en við nýttum það ekki."
„Við héldum hreinu og spiluðum taktískt frábærlega þannig ég er ánægður með leikinn."
Seinni leikurinn fer fram á þriðjudaginn, á heimavelli Augnablik.
„Við leggjum þann leik upp með sama hætti. Þetta er fjórði leikurinn í röð sem við höldum hreinu og við stefnum á að halda hreinu í næsta leik líka og síðan reynum við að setja inn mark."
„Þeir voru svipaðir eins og ég bjóst við. Þetta eru allt atvinnumenn sem þeir eru með og fara ekki inn á völlinn nema fá greitt fyrir það, þeir komu mér ekkert á óvart," sagði Lárus Guðmundsson.
Viðtalið í heild sinni er hægt að sjá í sjónvarpinu hér að ofan.
Athugasemdir
