Mark Noble skildi ekkert í rauða spjaldinu.
Mark Noble, fyrirliði West Ham, átti viðburðarríkan leik í 3-0 sigri Lundúnaliðsins gegn Liverpool á Anfield í ensku úrvalsdeildinni í dag.
Noble skoraði mark, fékk gult spjald og síðan beint rautt spjald síðar í leiknum. Hann skildi ekkert í brottvísuninni.
Noble skoraði mark, fékk gult spjald og síðan beint rautt spjald síðar í leiknum. Hann skildi ekkert í brottvísuninni.
„Ég fékk beint rautt, en ég er búinn að horfa á þetta 10 sinnum og það var ekkert illt í þessu. Ég vann boltann fyrst, að mínu mati er þetta ekki einu sinni gult. Það hefði verið grimmt," sagði Noble.
„En við viljum tala um hversu vel við spiluðum. Við höfum ekki unnið hérna í 52 ár og viljum tala um það. Við vitum að við erum gott lið og við sýndum það gegn Arsenal. Við komum hingað með leikáætlun. Liverpool er gott lið en við áttum skilið að vinna."
„Mörg lið eru að vinna á útivöllum, ég skil ekki af hverju. Að vinna 3-0 hérna er einstakt og ég er stoltur af strákunum. Við misstum einhverja leikmenn en við erum með góðan og samheldinn hóp."
Athugasemdir
