Heimild: Arsenal
Wenger veit hvað hann syngur
Arsene Wenger, stjóri Arsenal, telur það vera hollt fyrir enska knattspyrnustjóra að prófa sig í öðru umhverfi en á Englandi.
Arsenal heimsækir Newcastle í hádegisleiknum í enska boltanum í dag en Steve McClaren er við stjórnvölin þar á bæ.
McClaren yfirgaf enska boltann og tók við Twente í Hollandi eftir að hafa stýrt enska landsliðinu um tíma. Wenger telur það hafa gert McClaren gott.
„Ég myndi hvetja enska þjálfara til að fara erlendis og þjálfa þar. Sérstaklega þegar þú hefur stýrt landsliðinu. Þá er það besta sem þú getur gert að fara í nýtt land um tíma og koma svo til baka".
„Mér finnst Bobby Robson vera gott dæmi og ég held að þetta hafi verið sniðug ákvörðun hjá Steve McClaren. Hann hefur gert vel".
Athugasemdir
