Ástæðan er sú að Hart er á leið til Ítalíu þar sem hann mun gangast undir læknisskoðun hjá ítalska úrvalsdeildarliðinu Torino.

Jonathan Barnett, umboðsmaður Hart, staðfesti þessar fregnir í samtali við Tuttosport í kvöld.

„Joe Hart mun spila fyrir Torino. Það er frágengið. Leikmaðurinn hefur samþykkt það og Man City líka. Hann fer í læknisskoðun á morgun," sagði Barnett.

Samkvæmt heimildum Skysports er um lánssamning að ræða en Man City gekk nýverið frá kaupum á Claudio Bravo frá Barcelona.

Torino endaði í 12.sæti Serie A á síðustu leiktíð en gamli aukaspyrnusnillingurinn Sinisa Mihajlovic tók við stjórnartaumunum hjá félaginu í sumar.