Stoke City 1 - 0 Newcastle United
1-0 Peter Crouch ('15)
1-0 Peter Crouch ('15)
Peter Crouch skoraði eina mark leiksins er Stoke City lagði Newcastle United í eina leik kvöldsins í enska boltanum.
Crouch skoraði með skalla eftir fyrirgjöf frá Victor Moses snemma í leiknum og það munaði litlu að Marko Arnautovic bætti öðru við fyrir heimamenn þegar hann skaut boltanum í stöngina í síðari hálfleik.
Newcastle komst næst því að jafna leikinn þegar Jack Colback skaut boltanum í slánna úr dauðafæri á lokamínútum leiksins en lokatölur voru 1-0.
Stuðningsmenn Newcastle mættu á völlinn með alskonar borða til að mótmæla Mike Ashley, eiganda félagsins, og Alan Pardew, knattspyrnustjóra þess.
Meðal annars sungu stuðningsmenn liðsins til Stoke: ,,Þið eruð ekkert sérstakir, við töpum í hverri viku," en Newcastle vermir næstneðsta sæti deildarinnar með þrjú stig eftir sex umferðir.
Athugasemdir