Brynjar Gestsson.
Brynjar Gestsson var á föstudag útnefndur þjálfari ársins í 2. deildinni en hann stýrði Fjarðabyggð til sigurs í deildinni. Undir hans stjórn hefur liðið farið upp um tvær deildir á tveimur árum.
Sjá einnig:
Lið ársins og bestu menn í 1. deild 2014
Lið ársins og bestu menn í 2. deild 2014
„Fjarðabyggðarliðið stóð sig frábærlega. Það var enginn vafi á því að við vorum langbestir í þessari deild í sumar," segir Brynjar.
„Við runnum nokkuð blint í sjóinn og vissum ekki alveg hvar við stæðum í ljósi þess að við spiluðum bara við lið að austan síðasta vetur. Það var ekki fyrr en í undanúrslitum Lengjubikarsins gegn ÍR að við sáum að við vorum algjörlega á pari ef ekki meira."
„Við gerum okkur grein fyrir því að það er stór munur á þessum deildum. Það er miklu meiri munur á 1. og 2. deild heldur en nokkurntímann 2. og 3. deild."
Viðtalið má sjá í heild í sjónvarpinu hér að ofan.
Athugasemdir
