Barnsley hefur rekið aðstoðarstjórann Tommy Wright eftir frétt Daily Telegraph í gær.
Rannsóknarblaðamenn frá Daily Telegraph birtu í gær grein um að Wright hefði þegið pening og í staðinn lofað að Barnsley myndi kaupa leikmenn í gegnum fyrirtæki í Austurlöndum fjær.
Blaðamenn Daily Telegraph sátu fund með Wright og þóttust vera frá fyrirtæki sem væri með leikmenn á sínum snærum. Fyrirtækið er hins vegar ekki til.
Wright tók við umslagi með 5000 pundum (744 þúsund krónur) í og í staðinn ætlaði hann að láta Barnsley kaupa leikmenn í gegnum fyrirtækið.
Fundurinn átti sér stað í síðasta mánuði en Telegraph birti grein og myndband af atvikinu í gærkvöldi. Barnsley setti Wright í tímabundið bann í gær og í dag var hann rekinn.
Athugasemdir