Dregið var í 8-liða úrslit enska deildabikarsins í kvöld en Bournemouth fær Liverpool í heimsókn.
Niall Quinn og Stuart Pearce voru mættir til þess að draga í 8-liða úrslit enska deildabikarsins í kvöld en það verða áhugaverðir leikir á dagskrá.
Bournemouth fær Liverpool í heimsókn en óhætt er að segja að Liverpool hafi sloppið nokkuð vel.
Tottenham Hotspur mætir Newcastle United í öflugum leik á meðan Chelsea heimsækir Derby County sem átti ótrúlega endurkomu gegn Fulham í gær
Sheffield United og Southampton mætast þá í hörkuleik en leikirnir fara fram þann 15. desember næstkomandi.
8-liða úrslit:
Derby County - Chelsea
Tottenham Hotspur - Newcastle United
Bournemouth - Liverpool
Sheffield United - Southampton
Athugasemdir