Ingimundur er á leið í appelsínugula búninginn á nýjan leik.
Fylkismenn munu á morgun halda fréttamannafund þar sem félagið mun kynna nýja leikmenn til leiks.
Samkvæmt heimildum Fótbolta.net er þar um að ræða Jóhannes Karl Guðjónsson og Ingimund Níels Óskarsson.
Samkvæmt heimildum Fótbolta.net er þar um að ræða Jóhannes Karl Guðjónsson og Ingimund Níels Óskarsson.
Ingimundur Níels þekkir vel til hjá Fylki en hann spilaði í Árbænum frá 2008 til ársins 2012 þegar hann gekk í raðir FH.
Ljóst varð í síðustu viku að Ingimudur myndi fara frá FH og kantmaðurinn hefur síðan þá rætt við Fylki, Víking, Val og uppeldisfélag sitt Fjölni.
Jóhannes Karl kemur frá Fram en þessi 34 ára gamli leikmaður hefur átt í viðræðum við Fylki að undanförnu. Hann hafnaði á dögunum tilboði um að taka við sem þjálfari Gróttu.
Þá hafa Fylkismenn einnig áhuga á að krækja í vinstri bakvörðinn Ósvald Jarl Traustason sem er á förum frá Fram en hann hefur samkvæmt heimildum Fótbolta.net átt í viðræðum við félagið.
Jóhannes Karl Guðjónsson.
Ósvald Jarl Traustason.
Athugasemdir
