Ólafur Páll Snorrason.
„Þetta var gríðarlega erfið ákvörðun og ég var andvaka í einhverja daga. Ég er samt sem áður mjög stoltur af sjálfum mér að hafa haft kjark í að taka þetta skref. Það er mikil uppbygging sem á sér stað í Fjölni," segir Ólafur Páll Snorrason.
Ólafur hefur verið fyrirliði FH undanfarin tvö ár en er nú kominn í Fjölni sem spilandi aðstoðarþjálfari.
Ólafur hefur verið fyrirliði FH undanfarin tvö ár en er nú kominn í Fjölni sem spilandi aðstoðarþjálfari.
„Persónulegur árangur minn kristallast hjá FH. Mín bestu fótboltaár hafa verið þar. Ég er FH-ingur, ég flæki málin ekkert. Ég er mikill FH-ingur en Fjölnir er uppeldisfélag mitt og hefur alltaf átt stað í mínu hjarta."
„Ég horfi til þess að vera þjálfari í framtíðinni og held að ég fái hvergi betra tækifæri en hér hjá Fjölni. Ég legg mikinn metnað í að Fjölnir safni liði og vonandi koma fleiri og styrkja liðið. Ég er gríðarlega spenntur fyrir því starfi sem er í gangi í Grafarvoginum."
Verður ekki erfitt fyrir Heimi Guðjónsson að fylla skarð Ólafs?
„Heimir er besti þjálfari landsins og ég á honum mikið að þakka. Það eru frábærir leikmenn fyrir í FH og geta fyllt mitt skarð. FH er það sterkt lið að það verður ekkert vesen fyrir þá að finna alvöru leikmann," segir Ólafur en viðtalið má sjá í heild sinni í sjónvarpinu hér að ofan.
Athugasemdir
