Lionel Messi, Luis Suarez og Neymar voru allir á skotskónum í gær þegar Barcelona vann 4-0 sigur á Real Sociedad en athygli vakti að Neymar gaf boltann á Messi í stað þess að skora sjálfur og fullkomna þrennuna á lokaandartökum leiksins.

„Þegar úrslit leiksins eru ráðin vilja þeir allir komast að í markaskoruninni og það er eðlilegt. Það er öðruvísi hugarfar í byrjun leiks", sagði Enrique eftir leikinn.

„Þeir skilja hvern annan mjög vel og þegar þeim tekst ekki öllum að skora eru þeir ekki ánægðir".

Barcelona er á eldi þessa dagana og virðast geta skorað að vild en Enrique er sannfærður um að liði geti gert betur.

„Mér finnst við ekki vera að spila eins vel og við getum gert. Ég held að við höfum verið að spila betur á síðasta tímabili."

„Við erum að spila vel en ég tel okkur geta gert enn betur. Það vinnur heldur enginn deildina í desember og við verðum að halda áfram að bæta okkur í hverjum leik", sagði Enrique.