Andri Adolphsson.
Andri Adolphsson hefur gengið til liðs við Val en hann skrifaði undir samning hjá félaginu í dag.
Hinn 22 ára gamli Andri kemur til Vals eftir að hafa leikið allan sinn meistaraflokksferil með ÍA.
Hinn 22 ára gamli Andri kemur til Vals eftir að hafa leikið allan sinn meistaraflokksferil með ÍA.
,,Valur er flottur klúbbur. Þeir eru alltaf ofarlega í deildinni og það er glæsileg umgjörð hérna. Þjálfararnir heilluðu mig líka mikið," sagði Andri í viðtali við Ragnar Vignir á heimasíðu Vals.
Andri er 22 ára kantmaður og hefur aðeins leikið með ÍA hér á landi, alls 97 leiki í deild og bikar og hefur hann skorað sex mörk í þeim.
,,Við erum að hugsa til framtíðar með því að fá ungan leikmann sem á eftir að nýtast Val vel," sagði Ólafur Jóhannesson þjálfari Vals.
Ragnar Vignir tók viðtal við Andra og Ólaf en það má sjá hér að neðan.
Athugasemdir
