21. umferð ítölsku deildarinnar fer fram um helgina þar sem lítið verður um stórleiki.

Roma, sem er sjö stigum á eftir toppliði Juventus, fær Empoli í heimsókn annaðkvöld og getur þar minnkað bilið í toppinn. Juventus á svo leik á sunnudag gegn Udinese á útivelli.

Inter, sem ekki hefur staðist væntingar í vetur, á útileik gegn Sassuolo snemma á sunnudag. Síðar um daginn verður Emil Hallfreðsson í eldlínunni með Verona gegn Palermo.

Lokaleikur helgarinnar er svo viðureign Milan og Parma á sunnudagskvöldið.