Ronald Koeman, stjóri Southampton, segir góðar líkur á því að hann bæti við sig einum til tveimur leikmönnum áður en janúarglugganum var lokað.
Hollendingurinn viðurkennir að hafa áhuga á miðjumanninum Tonny Vilhena sem er tvítugur leikmaður Feyenoord og serbneska sóknarmanninum Filip Djuricic, 23 ára.
Hollendingurinn viðurkennir að hafa áhuga á miðjumanninum Tonny Vilhena sem er tvítugur leikmaður Feyenoord og serbneska sóknarmanninum Filip Djuricic, 23 ára.
„Ef Jack Cork yfirgefur félagið þurfum við annan miðjumann. Við höfum áhuga á Vilhena því hann er ekki ánægður Feyenoord. Hann er ekki að fá að spila. Ég hef trú á þessum manni og hef trú á gæðum hans. Hann er ungur leikmaður og ef ég get hjálpað honum þá vil ég gera það," segir Koeman.
Djuricic er hjá Mainz á láni frá Benfica. Jack Cork er líklega á leið til Swansea en hann er í Wales í viðræðum.
Allir stjórar sem héldu fréttamannafundi í dag voru spurðir út í áform sín á lokadögum gluggans. Louis van Gaal hjá Manchester United segist ekkert ætla að kaupa og Mauricio Pochettino hjá Tottenham segist ekki búast við að kaupa neinn, þó hann útiloki ekkert.
Athugasemdir