Freyr og Davíð Snorri þjálfarar Leiknis ætla að styrkja lið sitt frekar og eru að skoða spænskan bakvörð.
Leiknir hefur fengið spænska vinstri bakvörðinn Oscar Reyes til sín á reynslu en hann spilaði með liðinu í æfingaleik gegn Þrótti í kvöld.
Oscar er 27 ára gamall en hann hefur undanfarin tvö ár leikið með Valletta FC í úrvalsdeildinni á Möltu.
Oscar lék með unglingaliðum Espanyol og Real Madrid en hann var á sínum tíma í U16, U17, U18 og U19 ára landsliði Spánar.
Eftir að hafa leikið með B-liði Espanyol, Badalona CF og UE Rubi í spænsku neðri deildunum fór Oscar til Ekranas í úrvalsdeildinni í Lithaén árið 2013. Þaðan fór hann svo til Valletta.
Leiknismenn hafa verið í leit að vinstri bakverði í vetur en áður höfðu Charley Fomen og Michael Hoganson komið til félagsins á reynslu án þess að fá samning.
Athugasemdir