Rogerio Ceni er einn allra merkilegasti markvörður knattspyrnusögunnar, en 42 ára gamall heldur hann áfram að raða inn mörkunum.

Enginn hefur skorað jafn mörg mörk úr föstum leikatriðum og Ceni og bætti hann við glæsilegu marki þegar Sao Paulo mætti Linense í gærkvöldi.

Það lá í loftinu um leið og Ceni mætti til að taka spyrnuna að boltinn myndi enda í netinu.

Hér að neðan má sjá hans frábæra mark, en mörk hans á ferlinum eru orðin ansi mörg.