Celtic tryggði sér í dag enn einn Skotlandsmeistaratitilinn þegar liðið lagði Hearts að velli með þremur mörkum gegn einu.

Þetta er fimmti Skotlandsmeistaratitill Celtic í röð, en félagið er búið að vera nánast samkeppnislaust á toppi skosku deildarinnar síðustu ár í fjarveru Rangers.

Colin Kazim-Richards, Patrick Roberts og Leigh Griffiths gerðu mörk Celtic í dag en Griffiths er fyrsti leikmaður félagsins til að skora meira en 30 mörk á einu tímabili síðan Henrik Larsson gerði það tímabilið 2003-04.