Sex leikir eru á dagskrá ensku úrvalsdeildarinnar í dag þar sem þau þrjú lið sem eru að berjast fyrir lífi sínu eiga öll leik.

Sunderland heimsækir Stoke á sama tíma og Newcastle fær fyrrum stjóra sinn, Alan Pardew, í heimsókn á St.James´ Park.

Norwich á svo verðugt verkefni fyrir höndum þegar liðið heimsækir Arsenal í síðdegisleiknum.

Mesta spennan í enska boltanum er þó fyrir sunnudeginum en þá getur Leicester tryggt sér Englandsmeistaratitil með sigri á Man Utd á Old Trafford.