Tveir leikir eru á dagskrá ítalska boltans í dag þar sem einn íslenskur landsliðsmaður verður að öllum líkindum í eldlínunni.

Emil Hallfreðsson og félagar fá Torino í heimsókn og geta tryggt sæti sitt í Serie A með sigri en Udinese er sex stigum frá fallsvæðinu þegar þrem umferðum ólokið.

Í síðari leiknum fær Chievo heimsókn frá Fiorentina en síðarnefnda liðið getur tryggt sér sæti í Evrópudeildinni á næstu leiktíð með sigri í kvöld.