„Ég er bara mög ánægður. Vinnuframlag leikmanna var algjörlega til fyrirmyndar. Þetta var alls ekki fallegur fótbolti, spiluðum frekar ljótan bolta en skiluðum 3 stigum og héldum hreinu sem var virkilega frábært.“ Sagði Donni Sigurðsson þjálfari Þórs eftir 2-0 sigur á Fjarðabyggð í dag.
Lestu um leikinn: Þór 2 - 0 Fjarðabyggð
„Það var í rauninni uppleggið í dag að hafa þetta ekkert sérstaklega fallegt í heldur ætluðum við bara að vinna þetta ljótt. Vellirnir eru ekki alveg tilbúnir og það er erfitt á spila á þeim. Aftur á móti er Fjarðabyggð með virkilega gott lið sem er erfitt að spila á móti.“
Þórsarar töpuðu fyrsta leik sumarsins gegn Þrótti en hafa svo unnið næstu 4. Donni var að vonum ánægður með það: „Það var eina vitið að svara þessu bara svona. Ég tel að við eigum ennþá meira inni. Það er rúm til að verða betri og ég er sannfærður um það að við verðum betri með hverjum leik.“
Nánar er rætt við Donna í spilaranum fyrir ofan.
Athugasemdir