Wolfsburg bikarmeistari í fyrsta skiptið
Dortmund 1 - 3 Wolfsburg
1-0 Pierre-Emerick Aubameyang ('5)
1-1 Luiz Gustavo ('22)
1-2 Kevin De Bruyne ('33)
1-3 Bas Dost ('38)
1-0 Pierre-Emerick Aubameyang ('5)
1-1 Luiz Gustavo ('22)
1-2 Kevin De Bruyne ('33)
1-3 Bas Dost ('38)
Wolfsburg eyðilagði síðasta leik Jurgen Klopp við stjórnvölinn hjá Borussia Dortmund og tryggði sér í leiðinni þýska bikarmeistaratitilinn í úrslitaleiknum í Berlín í kvöld.
Klopp vonaðist til að kveðja Dortmund með bikar eftir sjö ára farsæla dvöl hjá þeim gulklæddu en allt kom fyrir ekki og nokkuð sannfærandi sigur Wolfsburg staðreynd. Bikarinn fullkomnaði frábært tímabil liðsins sem lenti í 2. sæti Bundesligunnar.
Það var að vísu Dortmund sem byrjaði leikinn betur. Besti maður liðsins í ár, Pierre-Emerick Aubameyang, skoraði fyrsta markið strax á fimmtu mínútu.
Fall var hins vegar fararheill fyrir Wolfsburg og fyrir leikhlé hafði liðið heldur betur snúið taflinu sér í vil. Luiz Gustavo jafnaði metin á 22. mínútu og þeir Kevin De Bruyne og Bas Dost sáu til þess að Wolfsburg leiddi 3-1 í hálfleik.
Ekkert var skorað í seinni hálfleiknum og sigur Wolfsburg því staðreynd. Þeir eru þýskir bikarmeistarar í fyrsta skiptið í sögu félagsins.
Athugasemdir