Liðið laskaðist all verulega í bikarleiknum gegn Stjörnunni um daginn en náði að tjasla sig saman og velgja Íslandsmeisturunum undir uggum eins og árið 2013.

"Við vissum að FH er betra lið en við - hins vegar vissum við að ef við spiluðum vel og taktíst eins og við getum gert þá ættum við séns.  Mér fannst þetta nánast fullkominn leikur þar sem allt gekk upp."

Þrátt fyrir gott gengi er Ejub ekkert að breyta markmiðum fyrir félagið í sumar.

"Það er alltaf til tími til að dreyma en ég fer ekki ofan af því að ef að Víkingur Ólafsvík heldur sér í deildinni þá er það meira en kraftaverk miðað við allt og allt."

Nánar er rætt við Ejub í viðtalinu sem fylgir fréttinni.