Rashford stimplaði sig inn með krafti.
Roy Hodsgon, landsliðsþjálfari Englendinga, mun á morgun velja 23-manna hópinn sem fer á EM í Frakklandi.
Hodgson valdi 26 manna hóp á dögunum og ljóst er að Fabian Delph dettur úr honum vegna meiðsla auk þess sem tveir leikmenn verða að bíta í það súra epli að fara ekki með til Frakklands.
Hodgson valdi 26 manna hóp á dögunum og ljóst er að Fabian Delph dettur úr honum vegna meiðsla auk þess sem tveir leikmenn verða að bíta í það súra epli að fara ekki með til Frakklands.
Hinn 18 ára gamli Marcus Rashford skoraði strax á þriðju mínútu gegn Ástralíu á föstudag og enskir fjölmiðlar velta því nú fyrir sér hvort hann fari til Frakklands á kostnað Daniel Sturridge.
Sturridge var ekki með Englendingum í tveimur vináttuleikjum í síðustu viku vegna meiðsla á kálfa en hann snéri aftur til æfinga í morgun.
Vangaveltur eru þó um hvort hægt sé að treysta á að Sturridge verði heill heilsu í Frakklandi.
Auk Sturridge og Rashford eru framherjarnir Wayne Rooney, Harry Kane og Jamie Vardy í enska hópnum.
Athugasemdir
