Guðmundur sagði heimamenn hafa haft trú á sér þrátt fyrir dapurt gengi hingað til í sumar.

"Við sýndum það í bikarnum gegn Fram að við erum með gott lið, svo fórum við í Frostaskjól og spiluðum vel svo við vorum vissir um að við gætum unnið Skagann."

Hann var viss um að það yrði einfaldara að sofna eftir þennan leik en oft áður.

"Það er yfirleitt erfitt að sofna eftir leiki en núna held ég að maður sofni strax."

Stutt er á milli leikja, Fylkismenn koma vestur á miðvikudag.

"Þessi sigur gefur okkur innspýtingu. Við vitum það að ef við klárum þann leik þá erum við í fínum málum þegar kemur að seinni umferðinni."

Frekar er spjallað við Guðmund í viðtalinu sem fréttinni fylgir.