Þróttur hafði fyrir leikinn ekki enn þá skorað mark í fyrstu sex leikjum sínum í Pepsi-deildinni. Er ekkert erfitt að gíra sig upp í leik gegn svoleiðis liði?

„Nei, alls ekki. Við sáum það í gær að KR gerði jafntefli við Selfoss og það eru allir leikir sem við þurfum að mæta 100% tilbúnar í. Þær skora mark á móti okkur þannig við höfum ekkert efni á því að koma með hálfan haus í svona leik.“

Ásgerður skoraði tvö mörk í leiknum í dag og er þar af leiðandi komin með 4 mörk alls í deildinni í sumar. Ásgerður skoraði hins vegar ekkert mark í deildinni í fyrra.

„Ég var í nýjum skóm, ég vissi að ég myndi skora. Þetta eru senteraskór. Harpa hafði miklar áhyggjur fyrir leikinn að ég myndi ekkert gefa boltann. Það er kannski alveg rétt.“

„Við erum á ágætis róli. Bikarinn er næst og við einbeitum okkur bara að honum. Spilamennskan í dag var fín. Við hefðum mátt láta hann rúlla betur og nýtt okkur yfirburðina aðeins betur. Markmaðurinn þeirra átti samt góðan leik, þær börðust vel og áttu sinn þátt í að við skoruðum ekki fleiri mörk.“