Leikur umferðarinnar: Valur 4 - 2 ÍA
Leikur Vals og ÍA var gríðarlega opinn og skemmtilegur.
Skoðaðu skýrsluna
EKKI lið umferðarinnar:
Öll varnarlína ÍA eins og hún leggur sig kemst í Ekki liðið að þessu sinni. Ellert Hreinsson er í sóknarlínunni en hann var tekinn af velli í Vestmannaeyjum þrátt fyrir að Breiðablik þurfti nauðsynlega á marki að halda.
Martraðardagur umferðarinnar: Eyjólfur Tómasson
Eyjólfur Tómasson upplifði sinn versta dag í Pepsi-deildinni til þessa í 1-0 tapi Leiknis gegn KR. Hann átti að koma í veg fyrir sigurmark KR-inga og fékk svo á sig eitt aulalegasta rauða spjald sumarsins þegar hann missti boltann klaufalega til Þorsteins Más og sló svo boltann utan teigs.
Skoðaðu skýrsluna
Mark umferðarinnar: Atli Guðnason
Eftir frábært samspil FH-inga skoraði Atli Guðnason þriðja mark FH í 3-1 útisigri gegn Fjölni. Aðdragandinn var konfekt.
Skoðaðu skýrsluna
Froða umferðarinnar: Sindri Snær Magnússon
Breiðhyltingurinn í Keflavíkurliðinu reyndi sama trikk og David Luiz á HM með því að taka dómarafroðuna og færa hana til.
Sjáðu myndband af atvikinu
Spurning umferðarinnar: „Þú ert ekkert lamaður í höndinni er það nokkuð línuvörður?"
Spurði æstur Fjölnismaður sem stóð beint fyrir neðan fjölmiðlastúkuna.
Dómari umferðarinnar: Eiler Rasmussen
Jógvan Hansen. Nei segi svona. Að sjálfsögðu var það langbesti vinur hans Eiler Rasmussen sem dæmdi leik Fjölnis og FH með miklum sóma. Fékk 8,5 í einkunn.
Hvað er hann gamall umferðarinnar:
Fylkir fékk aukaspyrnu á hættulegum stað þegar langt var liðið á leikinn gegn Víkingi. Oddur Ingi Guðmundsson stillti boltanum upp en Reynir Leósson aðstoðarþjálfari Fylkis kallaði fimm sinnum á Jóhannes Karl Guðjónsson að taka spyrnuna. Á endanum tók Oddur Ingi spyrnuna og Reynir hundskammaði Jóhannes Karl sem svaraði: „Hann vildi taka hana," - Reynir var ekki sáttur við svarið og spurði: „Og hvað er hann gamall?"
Ofurvaramaður umferðarinnar: Ásgeir Örn Arnþórsson
Kom ferskur inn af bekknum og tryggði Fylkismönnum virkilega kærkominn sigur í uppbótartíma eftir dræmt gengi undanfarið.
Skoðaðu skýrsluna
Heiðursverðlaun umferðarinnar: Tryggvi Guðmundsson
Afar erfið helgi að baki fyrir Tryggva sem mætti undir áhrifum áfengis á æfingu á laugardag en hann átti að stýra ÍBV ásamt Inga Sigurðssyni á sunnudag. Tryggvi hefur verið rekinn sem aðstoðarþjálfari. Hann getur engum kennt um nema sjálfum sér en af hverju fær hann heiðursverðlaun? Það er fyrir að koma hreint fram við fjölmiðla, viðurkenna eigið vandamál og vera ekki í neinum feluleik.
Lestu viðtal við Tryggva
Strípur umferðarinnar: Ingi Sigurðsson
Ingi skartaði glæsilegum strípum þegar hann stýrði ÍBV til sigurs gegn Blikum.
Munnvatn umferðarinnar: Marko Andelkovic
Serbinn hrækti á Hauk Pál Sigurðsson, fyrirliða Vals, og Haukur var skiljanlega allt annað en sáttur.
Sjáðu frétt
Pissari umferðarinnar: Sindri Björnsson
Leikmaður Leiknis kastaði af sér þvagi á KR-völlinn.
Sjáðu frétt
Brot af #fotboltinet á Twitter:
@Leiknisljonin #OccupyAlþingi #Ljónabyltingin #Pepsi16 #Fotboltinet pic.twitter.com/mbV69hF7Cy
— Snorri Valsson (@snorval) June 29, 2015
#teamTG9 vá, þvílík karlmennska að koma bara fram og ekkert vera að tala í kringum hlutina! #pepsi365 #fotboltinet #tg9
— Eysteinn Þorri (@eysteinnth) June 30, 2015
Dúllan var kátari eftir að hafa tekið út bannið og segist nú vera betri maður. #fotboltinet #InnMedBoltann pic.twitter.com/zioFnzGRBH
— Stjarnan FC (@FCStjarnan) June 30, 2015
Einhver sem getur heilmálað efri búkinn á mér með Keflavík logo-inu fyrir Leiknir - Keflavík? #fotbolti #fotboltinet
— Pétur Snær Jónsson (@PeturSnaer) June 29, 2015
Menn farnir að hrækja í andlit hvors annars, mæta fullir á æfingar og pissa á völl andstæðingana. Já, knattspyrnan á uppleið #fotboltinet
— Lúther Gestsson (@ahorfandi) June 29, 2015
Knock on wood. Eru dómarar ekki bara búnir að girða sig helling? Misjafnt auðvitað en stórslysalaust það sem ég sé þessa daga #fotboltinet
— Jóhannes Valgeirsson (@JohannesValg) June 29, 2015
Ekkert erfitt að samgleðjast Sigubergi við þetta mark #fotboltinet
— Orri Freyr Rúnarsson (@OrriFreyr) June 29, 2015
Þrír markmenn 20ára eða yngri að starta í þessari umferð í Pepsi. Virkilega vel gert. #pepsi365 #fotboltinet
— Aron Elis (@AronElisArnason) June 29, 2015
Það voru fleiri sem fylgdu ÍBV til Keflavíkur en Íslandsmeisturum Stjörnunnar. Menn verða að styðja í mótbyr sem meðbyr. #fotboltinet
— Hafliði Breiðfjörð (@haflidib) June 29, 2015
Síðan Heimir tók við FH 08 hefur hann tapað 23 leikjum & unnið 108 næsta lið er KR með 36 tapaða leiki & unnið 97 í deild #fotboltinet
— Magnús Haukur (@Maggihodd) June 29, 2015
Hilmar Árni á að spila fremstur á miðju. Hann er ekki hraður og því auðveldara að taka hann úr leik á kantinum. Samt bestur! #fotboltinet
— Þorgeir Leó (@orgeirLe) June 28, 2015
Á leið á völlinn #friðgeirsvaktin #leiknisljonin #fotboltinet pic.twitter.com/aBeAW4sfnf
— Sveinn Ásgeirsson (@SGAsgeirsson) June 28, 2015