Heimild: Vísir
Varadómari var á flestum leikjum Pepsi-deildar karla í síðustu umferð en stefnan er sett á að varadómari verði á öllum leikjum deildarinnar á næsta tímabili. Þetta segir Magnús Már Jónsson, dómarastjóri KSÍ, í samtali við Vísi.
Varadómarinn sér um öll samskipti við bekkinn og gefur merki um uppbótartíma. Hann stuðlar að því að aðstoðardómari 1 á leikjum fær betri vinnufrið.
Með þessu er KSÍ að bregðast við þeirri gagnrýni sem íslenskir dómarar hafa fengið í sumar.
„Menn halda að við séum ekki að gera neitt, en þegar við lendum í svona áföllum þá reynum við alltaf að bregðast við. Eins og allir vita vorum við í erfiðleikum með aðstoðardómarana þannig við kölluðum þá aukalega inn á fund þar sem við fórum yfir allan pakkann," segir Magnús við Vísi.
Athugasemdir