Heimild: Vísir
Eiður í viðtali við Fótbolta.net.
Eiður Smári Guðjohnsen heldur samkvæmt heimildum Vísis utan til Kína í dag til að skoða aðstæður hjá Shijiazhuang Ever Bright.
Sagt er að Eiður gæti samið við félagið á morgun.
Þessi 36 ára íslenski landsliðsmaður var hjá Bolton síðasta vetur og stóð sig vel í ensku Championship-deildinni. Talið var næsta víst að hann yrði áfram hjá félaginu.
Shijiazhuang er í áttunda sæti kínversku deildarinnar með 20 stig, þrettán stigum á eftir toppliði Beijing Guoan.
Eiður yrði þriðji Íslendingurinn í kínversku deildinni en varnarmaðurinn Sölvi Geir Ottesen og sóknarmaðurinn Viðar Örn Kjartansson spila báðir með Jiangsu Sainty.
Athugasemdir
