Nýjasti leikmaður Liverpool, Sadio Mane, verður í teyju númer 19 hjá félaginu. Leikmenn með sama númer hafa yfirleitt valdið vonbrigðum hjá bítlaborgarliðinu eins og vefmiðillinn Joe tók saman.
Steven Caulker:
Steven var fenginn til félagsins á láni um áramótin vegna meiðsla í vörninni. Hann spilaði bara fjóra leiki áður en hann var sendur til baka.
Javier Manquillo:
Hann gerði tveggja ára lánssamning við Liverpool árið 2014 en eftir einungis eitt ár var samningnum rift og Manquillo snéri heim til Atletico Madrdid áður en hann var sendur á lán til Marseille.
Stewart Downing:
Kom frá Aston Villa fyrir 20 milljónir punda en náði ekki að heilla neinn. Fór til West Ham tveimur árum síðar.
Ryan Babel:
Þegar Hollendingurinn Ryan Babel samdi við Liverpool voru miklar vonir bundnar við leikmanninn. Hann var þó alltaf til vandræða á Anfield og er ekki í neinu uppáhaldi hjá stuðningsmönnum.
Aðrir sem talað var um á listanum voru Fernando Morientes, Brad Friedel, Pegguy Arphexad og Torben Piechnik.
Athugasemdir