Enska B-deildarliðið Newcastle United hefur fest kaup á belgíska markverðinum Matz Sels.
Sels er 24 ára gamall og kemur til Newcastle frá belgíska úrvalsdeildarliðinu Gent en hann spilaði með Gent í Meistaradeild Evrópu á síðustu leiktíð og var valinn markvörður ársins í Belgíu.
Þetta eru fyrstu kaup Rafa Benitez í sumar og gerir Sels fimm ára samning við Newcastle sem féll úr ensku úrvalsdeildinni á síðustu leiktíð.
Kaupverðið er talið vera í kringum 5 milljónir punda en hjá Newcastle mun Sels berjast við Tim Krul, Karl Darlow og Rob Elliott um markvarðarstöðuna.
Athugasemdir