„Þetta er eitt það skemmtilegasta sem við gerum í íslenskum fótbolta, að spila við erlend lið í Evrópukeppni," segir Ólafur Jóhannesson, þjálfari Vals, um leikinn gegn Bröndby í forkeppni Evrópudeildarinnar í kvöld.
„Þetta er eitt af stærri liðunum á Norðurlöndunum og þetta er hörkulið," bætti Sigurbjörn Hreiðarsson, aðstoðarþjálfari Vals við en þeir félagar voru báðir í viðtali fyrir leikinn.
„Það er alltaf möguleiki, það hefur sýnt sig undanfarna daga að fótboltinn er ótrúlegur. Ef við mætum klárir í þetta eigum við möguleika."
„Undirbúningurinn er aðeins öðruvísi þegar við erum að fara að spila við erlent lið og tilhlökkun leikmanna er mjög mikil. Það er alltaf gaman að spreyta sig gegn góðum liðum," sagði Ólafur um undirbúninginn.
„Ef þú ert á landinu og konan þín ekki upp á fæðingardeild að eignast barn, þá mætir auðvitað á leikinn," sagði Sigurbjörn að lokum
Allt viðtalið má sjá í fréttinni.
Athugasemdir