Daninn, Rasmus Steenberg Christensen var að vonum ósáttur með 4-1 tap gegn Bröndby á heimavelli í kvöld. Þetta var fyrri leikur liðanna í viðureign þeirra í undankeppni Evrópudeildarinnar.
Eftir fínan markalausan fyrri hálfleik hjá Valsmönnum fór allt í baklás í byrjun seinni hálfleiks og það nýttu Bröndby-menn sér.
Eftir fínan markalausan fyrri hálfleik hjá Valsmönnum fór allt í baklás í byrjun seinni hálfleiks og það nýttu Bröndby-menn sér.
Lestu um leikinn: Valur 1 - 4 Bröndby
„Það var eins og við værum ekki mættir til leiks í seinni hálfleik. Þeir fengu mark strax á 2. mínútu í seinni hálfleik og þá brotnuðu við aðeins niður. Því miður."
„Við brotnuðum niður eftir fyrsta markið og það gaf þeim aukið sjálfstraust. Það er mjög leiðinlegt að við komum ekki almennilega út í seinni hálfleikinn. Hefðum við byrjað almennilega þá held ég að við hefðum getað náð fínum úrslitum," sagði Rasmus sem segir muninn kannski vera sá að leikmenn Bröndby hafi nýtt sín færi á meðan Valur hafi ekki gert það.
„Þeir skoruðu úr þeim færum sem þeir fengu. Við klúðruðum færum sem við hefðum getað skorað úr. Þetta er kannski munurinn á íslensku deildinni og dönsku deildinni. Þeir eru aðeins betri en við inn í teig, bæði varnarlega og sóknarlega."
„Heilt yfir vorum við stundum að spila vel. Þegar við spilum okkar besta bolta þá er ekki mikill munur á þessum liðum. Við verðum að klára okkar færi og halda þeim frá því að skora svona auðveld mörk.
Athugasemdir